TAPIOKA POEDING

 

 

 

TAPIOKA POEDING

(PADDAOGIES)

 

 

 

Bestandele

 

500g pakkie tapioka (6½ koppies na geweek)

6 koppies melk

90g botter

knippie sout (2ml)

8 eiers geskei

250 ml suiker

12.5ml vanielje

appelkooskonfyt

klapper

 

 

 

Instruksies

Week die tapioka vorige dag in kookwater. Kook die melk, geweekte tapioka, botter en sout saam. Kook oor stadige hitte en roer gedurig.

 

Skei die eiers.

 

Klits die geel van die eiers saam met die suiker.

 

Voeg die geklitse eiermengsel by die melkpap.

 

Roer gedurig tot pap dik en gaar is.

 

Roer vanieljegeursel by.

 

Skep die gaar pap in twee gesmeerde oondvaste bakke.

 

Drup lepelsvol appelkooskonfyt oor die poeding en strooi ‘n bietjie klapper oor.

 

Klits die eierwitte tot styf.

 

Vou die styfgeklopte eierwitte bo-oor.

 

Bak in oond tot eierwitte goudbruin is.

 

(Die resep is vir twee oondbakke. Dit vries baie goed. Die resep kan ook halveer word.)