Vrystaatse Melkpoeding

 

 

 

Jy benodig

2 eetlepels botter

2 groot eiers, geklits

5 koppies volroommelk

1¼ koppie suiker (240g)

1¼ koppie koekmeel (150g)

1 eetlepel bakpoeier

 

 

Só Maak Jy

 

 

Verhit die oond tot 180 ºC (sonder waaier) en smeer ’n oondvaste bak (met ’n inhoudsmaat van 2 liter) met botter (ekstra).

 

Meng die eiers, melk en suiker. Meng die meel en bakpoeier en gooi die melkmengsel daarby.

 

Gooi die beslag in die gesmeerde bak, met die klontjies botter bo-op en bak dit vir 30 minute. Skakel die oond af en los die poeding daarin vir so 20 – 40 minute in die oond om af te koel en te stol. Ons ons eet die poeding gewoonlik warm, maar koud is dit net so lekker – dan smaak dit amper soos ’n korslose melktert.