Paasbolletjies (Hot Cross Buns)

Paasbolletjies (Hot Cross Buns)

(Maak 12 - 14 rolletjies)

Rolletjies

250 ml warm melk

90 g (100 ml) botter, gesmelt

1 eier

65 g (80 ml) suiker

10 g sout

10 g kitsgis

15 ml fyn kaneel

15 ml gemengde speserye

500 g (890 ml) koekmeel

140 g (250 ml) rosyne

Kruise

60 ml meel

15 ml olie

30 ml water

Glasuursel

Kook saam vir 5 minute:

100 ml water

50 ml suiker

 

 

So maak jy:

 

Verhit oond tot 180 ˚C. Meng melk, botter, eier, suiker, sout en gis in 'n middelslag-mengbak. Voeg speserye en genoeg meel by tot 'n stywe, kniebare deeg. Knie vir 5 - 8 minute of tot deeg gladde voorkoms het. Laat deeg op 'n warm plek rys tot dubbel die volume, sowat 1 uur. Voeg rosyne by en knie af tot rosyne ingemeng is. Laat weer rys tot dubbel die volume, sowat 30 - 45 minute. Verdeel in gholfbalgrootte bolletjies (80 g) en plaas stewig teen mekaar in 'n broodpan. Laat rys tot dubbel die volume, weer sowat 30 - 45 minute.

Kruise

Meng bestanddele vir kruise saam tot stywe pasta. Spuit kruise bo-oor deeg met versiersak. Bak vir 30 - 35 minute tot goudbruin en gaar.

Glasuursel

Verf met glasuursel en laat afkoel. Sit voor met botter.